Марий Элын калык артисткыже Светлана Никитина семын 17 ияш годымак шоҥго персонажым модаш тӱҥалше актёр пеш шагал. Ожныракше тудлан чурийышкыже шоҥгын кояш гримым шукырак йыгаш кӱлын, а кызыт, илыш куптырым поген ситарымеке, тудым шагалрак кучылтман.
Мемнан ончылно кӧргӧ виян артистке да тӱрлӧ сынан кова: Михей кува, Сапани, Уляна (Эх, илышет, шеремет!..», М.Шкетан), Серапи («Эргымлан кузык», М.Рыбаков)… Нине герой-влак С.Никитинан шӱм-чоныштыжо 20-30 ий дене илат. Артистке кеч-могай рольжымат мастарын келыштарен мошта, чурийначкажым тӱрлӧ могырыш пӱтыркала, моло тӱрлӧ оҥайым ыштылеш – тиддене ончаш толшо калыкын кумылжым налеш да воштылтара. Суас колошым чиен лектеш гын, тудденат шкешотшо дене ойыртемалтшын модын мошта, эсогыл колошыжат персонажыш савырна.
«Кушеч тынаре вий-куат да кӧргӧ вий? Кузе артисткына кана? Нине йодышлан Светлана деч тыгайрак вашмутым кольым: «Теве тачат эрдене сад участкем гыч пашаш пӧртыльым. Тушто теҥгече мончаш пурышым, каналтышым. Тиде ик жаплан вуйушым кандараш полша. Кажне кечын тӱрлӧ спектакльым ончыктыман, вуй чытыже гына. А пытартыш жапыште лач тыге канем».
С.Никитина ошкар-Оласе 1-ше №-ан школ-интернатыште фортепианом шокташ тунемын. А молан пианистке лийын огыл?
Могай илыш сӱрет сценыште шинчавӱдым лукташ полша?
Аваже да коваж нерген Светлана кузе каласкален?
ЧЫЛА ТИДЫН НЕРГЕН — «КУГАРНЯ» газетын 24 сентябрьысе номерыште лудса.
ИВАН РЕЧКИНЫН да театр архив гыч налме фото-влак.