Маристатын данныйже почеш, Марий Элыште 2023 ий тӱҥалтышлан 359,5 тӱжем ӱдырамаш (республикыште илыше уло еҥ-влакым ончымаште 53,5 %) шотлалтын, нунын кокла гыч 150,5 тӱжемже – азам шочыктен кертше (15-49 ияш).
Марий Элыште 2022 ийыште ава лийше-влакын кокла ийготышт 29 ий лийын. 25 ияшыж марте 20 процент ӱдырамаш азам ыштен, 25-35 ияш – 55,8 %, 35 ияш деч кугурак – 24,2%. 40 азам ийготыш шудымо (18 ийым темыдыме) ӱдыр-влак ыштеныт.
Кокымшо йочам утларакше 25 ийым эртыше-влак ыштат. 2022 ийыште шочшо аза-влак кокла гыч 94 процентше ешыште кокымшо, кумшо, нылымше… йоча улыт.
2022 ийыште 59 йыгыр шочыныт, да ик ӱдырамаш кум азам иканаште ыштен.
Республикыштына азам кудалтыше-влак шагалемыт. 2021 ий дене таҥастарымаште 2022 ийыште 3,3 процентлан шагалрак тыгайже лийын.
Республикыштына пашам ыштыше-влак коклаште 48,4 процентше ӱдырамаш-шамыч улыт.