Марий Элыште 9-ше ден 11-ше класслам тунем пытарыше-влакын кугыжаныш итоговый аттестацийышт мучашлалтын. Тудым 2,5 тӱжем утла выпускник эртен.
11-ше классым тунем пытарыше-влак кокла гыч 2477 выпускник аттестатым налын, тидыже 96,8 процент. Шуко выпускник обществознаний (1269 тунемше), физике (800 тунемше), биологий (490 тунемше) да информатике ден ИКТ ( 442 тунемше) предметла дене экзаменым кучен. Тений 26 тунемше 100 баллым поген, тушеч кок выпускник – кок предмет дене.
253 выпускник «отличий» аттестатым, «За особые успехи в обучении» медальым налын.
9-ше классым тунем пытарыше-влак коклаште кугыжаныш итоговый аттестацийым тӱҥ кугыжаныш экзамен семын 7327 тунемше эртен, кугыжаныш выпускной экзамен семын – 54 тунемше, тӱҥ да выпускной экзамен-влак семын – 4 выпускник.
Аттестацийым 7336 выпускник эртен, тудым 6394 ӱдыр ден рвезе сайын сдатлен.
11-ше классым тунем пытарыше-шамыч тӱҥ предметла дене аттестацийым эртен кертын огытыл але уда отметкым налыныт гын, руш йылме да математике дене экзаменым сентябрьыште уэш кучаш тӱҥалыт. 9-ше классым тунем пытарыше-влакланат отметкым тӧрлаташ ты жапыште йӧн пуалтеш.