Кочкаш шолтымо вер эре ару лийшаш. Коям, когарым эрыкташ, икмыняр ой-каҥашым темлена.
Нашатырь спирт. 1 стакан вӱдыш 1 кугу совла нашатырь спиртым ешарыман. Ты вӱдым пульверизаторыш темыман да плита ӱмбаке шыжыктыман. Ты верым пищевой плёнко але тыглай пакет дене петырыман да икмыняр минутлан кодыман. Вара лапчык але губко дене кукшемдыман.
Уксус ден содо. 6 але 9 процентан уксусым плита ӱмбаке распылитель дене шыжыктыман. Тушко содым шавалтыман. Лекше вартышым кораҥдыман да кошкымекыже ӱштман.
Горчице вартыш. Вӱдыш горчице порошокым ешарыман, тудо пучымыш гайыш савырнышаш. Ты вартышым когар верыш шӱрыман да яндар вӱд дене мушкын налман.