Марий Турек район Сардаял кыдалаш школын активистше-влак «Ару ял» акцийым эртарат. Январьыште ты школышто чолга тунемше-влак ден нунын вуйлатышышт О.А. Семёнова «Образ жизни» благотворительный фондын «Школа позитивных привычек» иновационный площадкыштыже тиде проект дене палдареныт. «Ару ял» проектышт Россий школла коклаште икымше верым налын. Проектын тӱҥ шонымашыже – ялым шӱкшак деч эрыкташ, шке гыч оралыме куштырам кораҥдаш.