Россий мучко «Шошымсо порылык арня-2025» акций увертаралтын. Ме, тӱҥалтыш класслаште тунемше-влак, кугурак вожатыйна дене пырля «Ару урем» акцийым эртараш шонен пыштышна.
Елена Валериановна Григорьева мыланна яра мешакым кучыктыш да Кораксола ял урем дене ошкыл колтышна. Кажнына корнышто верештме куштырам мешакыш погенна. Тыге, урем мучашыш шумылан, ме ик мешакым темышна. Вожатыйна чыланнамат мокталтыш.
Шӱргыял школышто тӱҥалтыш классыште тунемше-влак.