Марий Элыште «Чистое поколение – 2024» межведомственный оперативно-профилактический операцийын кокымшо этапше эртаралтеш.
11 гыч 20 ноябрь марте Марий Элысе МВД-н наркотикым кучылтмым тергыше управлений пашаеҥ-влак республикысе туныктымо тӧнежлаш лектын коштыт да наркотикын эҥгекше дене палдарат.
Полиций пашаеҥ-влак ӱдыр-рвезе-шамычлан психотропный да наркотический средстван тазалыклан ыштыме эҥгекше, наркотик дене кылдалтше осал паша деч шкем аралыме нерген ойленыт. Наркотикым шаркалымылан административно да уголовно мут кучаш шогалтыме нергенат ушештареныт.
Марий Элысе МВД-н пресс-службыжын пуымо фото.