Медведево посёлкышто илыше Лилия Фирсутова шке пачерыштыже боец-влаклан, пасу условийыште арулыкым эскераш лийже манын, гигиене набор-влакым ик пакетыш пога. Тудын пелашыжым мобилизоватленыт, кызыт передовойышто тушман ваштареш кредалеш.
Тачысе кечылан Лилия 700 наре тыгай наборым ямдылен шуктен. Тушеч 500 наборжым личыл кечылаште передовойыш колтышаш улыт. Наборышко ик гана кучылташ келыштарыме кагаз солыкым пыштыме. Тыгак вӱдеш нöртымö деч вара шоҥ налше изи ластыкым пыштыме. Тудыже капкылысе але шӱргысӧ лавырам мушкын колташ полша. Посна изи пакетыш мобилизоватлыме боецын ныл ияш ӱдыржӧ чай пакетикым, кампеткым да пылышым эрыктыме мамыкан тоям поген.
Лилиялан ты пашам шукташ йолташ ӱдыржо полшен. Нунын шуктымо сомылыштым Медведево районысо администрацийыште сайлан шотленыт. Ынде комплект-влакым чумыраш лӱмын помещенийым келыштараш шонат. Тушто тыгак окопышто йÿлен кертше сорта-влакым погаш тӱҥалыт. Самырык ӱдырамашлан наборым опташ полшышо еҥ-влак кӱлыт. Тыгак компонент-влакым наледаш сорта-шамычым темаш келыштарыше арверым наледыман.
Л.Фирсутовалан полшаш кумылан еҥ-влак, 45-51-70 номеран телефон дене йыҥгыртен, лекше йодышым рашемден кертыт.