Марий Элыште произведенийым сылнын лудшо-влакын «Живая классика» Российысе конкурсын регионысо этапше эртаралтын.
Марий йылме дене прозым лудшо-влак коклаште сеҥеныт:
— Анна Прохорова (Шернур посёлкысо Совет Ушем Герой А.М.Яналов лӱмеш 1-ше №-ан школ);
— Антон Алексеев (Морко посёлкысо 1-ше №-ан школ);
— Екатерина Мамаева (фотошто) (Тошто Торъял селасе школ).
Руш йылме дене прозым сылнын лудшо-влак коклаште сеҥыше-шамыч:
— Екатерина Запевалова (Звенигово район Красногорский посёлкысо 2-шо №-ан школ);
— Вячеслав Михайлов (Йошкар-Оласе 27-ше №-ан школ);
— Мария Торощина (Т.В.Иштрикова лӱмеш «Синяя птица» гимназий).
Майыште тиде кум участник «Артек» лагерьыш кая. Тушто конкурсын финалже лиеш.
Марий Элысе Образований да науко министерствын сайтше гыч налме фото.