Творческий дисциплиным туныктышо-влаклан «Арт-наставник» Российысе конкурс эртаралтеш.
Тудо 2023 ийыште Россий Федерацийыште Педагогын да наставникын идалыкыштлан пӧлеклалтеш. Тыгак «Российын культурыжо» да «Образований» национальный проект ден «Десятилетие детства» программе почеш талантан еҥ-влакым рашемдаш да йоча-шамычым творческий мероприятийлашке утыр ушаш виктаралтын. Тидыже ешартыш образованийым пуышо педагог-шамычын сеҥымашыштым да художественный творчествыштым рашемдаш полша.
Конкурсышто образовательный услугым пуышо, ДШИ-ште тӱрлӧ рӱдерыште, студийыште, усталык коллективыште пашам ыштыше преподаватель шкенsштым терген кертыт. Йодмашым 31 март йокте колтыман. Проект нерген утларак пален налаш лиеш – www.art-nastavnik.ru.