Медведево районысо Краснооктябрьский школын выпускницыже Арина Чуракаева «Движение Первых» толкынын «МегаПритяжение» флагманский проектшын «МедиаПрофи» номинацитйыштыже сеҥен.
Ты проектыште Арина ӱмаште участвоватлен. Тунам тудо 11 финалист-влак радамыш логалын. «МедиаПрофи» йыжыҥыште 14 ияш деч кугурак ӱдыр-рвезе-шамычлан участвоватлаш лиеш. Тушко утларакшым аудиторий дене пашам ыштен моштышо-влак ушнат. Тидлан медиапроектым лӱмын ямдылат.
Тений «Движение Первых» толкынын тӱжем утла участникше да ача-авашт да наставникышт-влаклан проект дене кылдалтше ятыр мероприятийым Москошто келыштареныт. Нуно экскурсийыште, мастер-классыште лийыныт. Тыгак информаций дене пашам ыштен моштымыштым моло-влаклан ончыктеныт.
Проектым возет – сеҥышыш лектат
«Марийская правда» газетын ВК-се тӱшкаж гыч налме фото.