9 апрельыште Марий Эл Кугыжаныш Погынын 9-ше сессийже видеоконфереций йӧн дене икымше гана эртаралтын. Тушто коронавирус инфекций чер дене кылдалтше указ дене келшышын, арака сатум ужалыме шотышто ешартыш мера-влак нерген каҥашыме. У законодательный акт почеш Марий Элыште 18 шагат гыч 14 шагат марте аракам ужалаш чаралтеш. Тиде закон Марий Элым вуйлатыше А.Евстифеевын кидпалыжым пыштымеке вийыш пура.