Морко посёлкышто лыжга, мотор ӱдыр Анита Юрьева ила. Тудо 2-шо №-ан кыдалаш школышто 7-ше классыште шинчымашым пога. Шке лӱмжӧ нерген тыгерак ойла:
– Анита лӱм ача ден авамлан оҥайын да моторын чучын, сандене мыйым тыге лӱмденыт. Тиде лӱм моторлыкым, шымалыкым ончыкта. Тыгай лӱман еҥ-влак утларак шижше, азапланыше койыш-шоктышан улыт, – ойла А.Юрьева.
Анита лӱман ӱдыр-шамыч музыклан, искусствылан шӱман улыт. А.Юрьева книгам лудаш, сӱретлаш йӧрата. Тыгак волейбол дене модеш.