Ангелина верч!

 

17 майыште национальный вургем дене ыштыме фото-влакын «Дети России» конкурсыштышт йӱклымаш тӱҥалын. Тушто Российысе 40 наре калык нерген палдарыме.

Тений тушто 108 еҥ участвоватла. Нуно 246 фотографийым колтеныт. Марий калыкын ӱдыржым ончыктымо шотышто Екатеринбургышто илыше фотограф Ангелина Мингалевич азапланен. Тудо модельлан Варвара Пашабековам (снимкыште) ойырен налын. Ӱдыр Урал марий-влакын сӧрал тувырыштым чиен, ончылшовычым ӱшталын, вуйышкыжо такиям упшалын.

Варваран кочаже Красноуфимск район Сарсаде кундем гыч. Тусо мастар-шамычак ӱдырын вургемжым ямдыленыт. Варвара Екатеринбургышто шочын, марла огеш мошто. Ӱдыр «Уралочка» спортшколышко коштеш,  волейбол дене модеш.

Марий ӱдырын кум фотографийже верч 30 май марте шке йӱкдам пуыза. https://concours.nazaccent.ru/foto2021/member/2298/.