Шинчымаш кечын И.С.Палантай лӱмеш тӱвыра да сымыктыш колледж воктене уста семмастар, СССР-ын калык артистше Андрей Эшпайлан бюстым почыныт.
Саламлаш Марий Эл кугыжаныш кучем деч Федераций Советын еҥже Константин Косачев, Марий Эл Республикым Вуйлатышын сомылжым жаплан шуктышо Юрий Зайцев миеныт.
Андрей Яковлевич 1925 ий 15 майыште Козьмодемьянск олаште шочын. Ятыр композицийын авторжо.
2021 ий 26 майыште Йошкар-Оласе аэропортлан Андрей Яковлевичын лӱмжым пуаш палемдыме.
