Йошкар-Ола гыч ӱдыр-рвезе-влак «Алый парус» тӱнямбалсе кинематографический фестивальыште сеҥеныт.
14-ше номеран гимназийыште 7-ше классыште тунемше Глеб Мочалов ден Софья Фурзикова «ЗУМ» киностудийын занятийлашкыже коштыт. Тушто нуно моло самырык режиссёр да актёр-влак дене пырля кином войзаш тунемыт.
Фестивальыш «Пиццу заказывали?» видеофильмым аклаш колтеныт.
Тений фестивальыш 8 номинацийыш 465 фильмым аклаш пуэныт улмаш. Участник-влак вич эл да Российын 47 регионжо гыч погыненыт.
