20-24 февральыште Владимир областьысе Доброград посёлкышто пийым кычкен кудалыштме спорт дене Российын чемпионатше да первенствыже эртаралтын. Тушко элнан 23 регионжо гыч 98 спортсмен 239 пий дене ушнен.
Марий Элын чапшым ныл спортсмен арален. «2 пий дене Нарта-спринт» дисциплиныште 15-17 ияш-влак коклаште Алиса Гмызина чылам ончылтен. А тренер Марина Волошина эн сай тренер улмыжым пеҥгыдемден. Тыгак чемпионатыште Марий Эл гыч вич судья стажировкым эртен.
Марий Элысе Спорт министерствын сайтше гыч налме фото.