Марий Эл Республикысе юстиций министерствын данныйже почеш, тений январьыште ача-ава-влак шке йочаштлан кумдан шарлыше да ойыртемалтше лӱмым пуэныт.
Шукынжо эрге йочалан Артём, Александр, Максим, Тимур, Илья, Матвей лӱм-влакым пуэныт, а ӱдыр азалан – Аннам, Валериям, Ульянам, Софиям, Викториям. Тылеч посна рвезе-влак коклаште шкешотан лӱман-влакат улыт: Акпарс, Аристарх, Данис, Леон, Потап, Родион, Фаддей, а ӱдыр-влак коклаште – Ариэлла, Виталика, Глафира, Златослава, Илария, Мадина, Радомира, Серафима, Элеонора.