«Аклыза тувырем» — тыгай лӱм дене визымше гана регион кокласе калык вургем фестиваль эртен.
27-28 августышто Удмуртийышке Малопургинский районышко фестивальын унаже-влак Коми Республике, Татарстан, Башкортостан гыч, Москва, Узбекистан да Швейцарий гыч эксперт-влак толыныт.
Икымше кечын фестивальым официально почыныт. УдНИИ РАН йылмым, литературым да историйым научно шымлыше институтын профессорышт да пашаеҥышт дене панельный дисскуссийым эртареныт, эксперт-влак дене пырля тӱрлӧ секцийлаште пашам ыштеныт.
Кокымшо кечыште участник-влак Яган селасе «Тюрагай» туризм рӱдерыште open-air форматыште пашаштым умбаке вораҥден колтеныт.
Конкурс ужашыште модельер-влак шке коллекцийыштым жюри ончыко аклаш луктыныт. Кидпаша аллейыште уна-влак кидмастар-влакын пашаштым ончен кертыныт, тӱрлӧ мастер-классыште шке усталыкыштым шуараш йӧн лектын. Тыгак нуным модель семын кошташ, тувырым ончыкташ туныктеныт.
Кок кечаш фестиваль галла-концерт дене мучашлалтын.
Палемдыман, 2020 ийыште «Russian Event Awards» премий «Аклыза тувырем» фестивальлан «Эн сай туристический мероприятий» лӱмым пуэн.
Фото-влакым https://vk.com/fest_platya сайт гыч налме.