Марий Элысе поликлиникылашке грипп деч 135 тӱжем дозо вакциным кондымо.
Кодшо кечылаште йоча-влаклан «Ультрикс Квадри» да кугыеҥ-влаклан «Совигрипп» вакциным шындаш тӱҥалме. Грипп – шучко чер, иммунитетым лушкыдемда, пневмоний марте шукта да шӱм черым тарватен кертеш. Прививке вирус деч аралалтме тӱҥ йӧнлан шотлалтеш, вет организмна шыже гыч шошо марте инфекций дене кучедалеш.