Марий кундемыште кеҥеж кумалтыш-влак 18 майыште тӱҥалыныт.
26 майыште Марий Турек Сардаялыште Агавайремыш лектыныт. 28 майыште ты районысо Арбор, Акпатыр, Ӱлыл да Кӱшыл Мосара, Советский районысо Немыч яллаште да Йошкар-Оласе Тумер отышто кумалтыш-влак эртаралтыныт. Вес кечынже Советский район Тапшер, Колыгудо, Кугунур, Опанассола яллаште лийыныт, 30 майыште – Параньга район Олор да Марий Турек район Марий Купто яллаште.
5 июньышто Советский район Эҥермучаш ялыште Мланде шочмо кечым да Агавайремым палемдат.