Спискыште вич кандидатур: композитор Андрей Эшпай, лётчик Николай Кокорин, поэт Сергей Чавайн, врач-невролог Виктор Севастьянов да КПСС Марий обкомын икымше секретарьже Петр Ураев. Йошкар-Олаште илыше еҥ-влак деч 30 утла темлымаш пурен, эсогыл «Йошкин кот» лӱмым пуаш шонышо лийын.
Йошкар-Оласе аэропортлан лӱмым пуаш шонымашым Марий Элым вуйлатыше Александр Евстифеев каласен. Аэропортын лӱмжӧ дене 12 июньышто палдарат.