Кӱлыт: 400 г ош ложаш, 250 мл шӧр, 2 кугу совла нӧшмӱй, 1 изи совла кукшо ру, пел изи совла шинчал, пел изи совла сакырложаш.
Хачапури кӧргылан кӱлыт: 450 г сулугуни сыр, 2 муноптем, 50 г ушкал ӱй.
Ложашым шокте гоч колтыза, тушко сакырложашым, шинчалым, кукшо рум ешарыза. Сайын варыза. Шокшо шӧрым ложашыш эркын опталза, тыгодым вилке дене пудыратыза. Тылеч вара нӧшмӱйым ешарыза да руашым нӧштылза. Тудым ик шагатлан шокшо верыш кораҥдыза. Руаш нӧлталалтме годым хачапури кӧргылан сырым тёрко гоч нӱжен ямдылыза. Тудым кок хачапурилан пайлыза да посна мискыш пыштыза. Тыгодым руашым тыгак кокытлан пайлен, тыртыш семын комым келыштарыза. Кок могыр ком тӱрыш сырым шавалтыза да пӱтырыза. Тыге хачапурим пуш семын келыштарыза. Покшекыже адак сырым пыштыза. Левыктыме ӱй дене хачапури тӱрым йыгыза да 180 градус марте ырыктыме духовкыш 15-20 минутлан шындыза. Лукмо деч ончыч покшеке муноптемым, йырым-йырже ӱй падыраш-влакым пыштыза. Хачапурим шокшынек кочман.