Тӱнямбалысе здравоохранений организацийын иктешлымыж почеш, Российыште кызыт утларакшым гонконгысо грипп дене черланат.
Тыгайже регистрироватлыме чер коклаште 80-90 процентым авалта. Гриппын тиде штаммже нелын черландарен кертеш, тылеч вара пневмоний, миокардит, отит вияҥыт. Тыгак гонконгысо грипп вич ияш марте йочалан да 65 ияш деч кугурак шоҥгыеҥлан лӱдыкшӧ, шӱм-вӱргорно черлам тарватен сеҥа. Мӱшкыран ӱдырамаш, диабетик, астматик-шамычлан, начар верге улмо годым шекланаш кӱштат.
Марий Элыште кодшо арнян 55 еҥлан тыгай диагнозым шындыме, 37 случай – COVID-19. Грипп деч прививкым 51,6 процент еҥ ыштен.
freepik сайт гыч налме фото.