Марий Элыште коронавируслан кöра 15 январь марте утларак тÿткö лийме режимым пуртымо нерген пунчалым лукмо.
Тудын почеш палемдыме жап марте республикыште тÿшка мероприятий-влакым эртараш ок лий. Кÿлешлык деч посна илыме вер гыч лектын кошташ да вес еҥ-влак дене вашлияш ок темлалт.
16 ноябрь гыч 6 декабрь марте 1-4-ше класслаште тунемше-влакым каникулыш колтат. 5-11-ше класс-влак, тыгак техникум ден колледжын студентше-влак дистанционно тунемаш тÿҥалыт. Ешартыш шинчымашым пуышо тöнеж-влакат дистанционно пашам ыштат. Ийготыш шудымо йоча-влак ужалыме рӱдерлашке ача-ава деч посна коштшаш огытыл.