Марий Эл Республикысе пагалыме пӧръеҥ-влак!
Саламлем тендам Ачан кечыж дене!
Тиде пайрем пӧръеҥын йочам воспитатлымашлан кӱлешан тӱткышым ойырымыжым, еш оза семын авторитетан да илышым саемдымаште мутым кучышо улмыжым, тукым-влакын опытыштым да йӱла поянлыкыштым аралыше семын ушештараш полша.
Таче ача-шамычын пеҥгыдылыкышт кугыжаныш политикын ик эн кӱлешан задачыжлан шотлалтеш. Куанена, мемнан республикысе ятыр пӧръеҥ – шке ешыжын эҥертышыже.
Поснак кугу таум патырлыкым да патриотизмым ончыктышо да специальный военный операцийыште служитлыше ача-шамычлан каласем. Ӱшанем, мемнан йочана-шамыч тендан дене кугешнат. Те самырык тукымлан сай пример улыда.
Тек ача-шамычлан эн кугу награде семын пиалан еш да тауштышо йоча-влак лийыт.
Ешлан да икшыве-шамычлан эре ӱшанле эҥертыш лийын кодаш тыланем. Тазалыкым, тыныслыкым да чыла тӱҥалме пашаштыда сеҥымашым!
Ю.В.Зайцев, Марий Элым Вуйлатыше.