Аида Пчёлкина, С.Г.Чавайн лӱмеш книгагудын тӱҥ библиографше:
– Ачам Павел Никифорович Декин (1935-2020) чоныштем ӱмыреш илаш тӱҥалеш. Тудо тыматле, поро, молын деч ойыртемалтше лийын. Школышто физикым туныктен, тиддеч посна верысе клубышто ыштен. Тудо вич-лу уштыш торасе кок ялыш, шке вачӱмбаланже котомкаш киноленте банкылам сакен, телыже-кеҥежше кином ончыкташ коштын. Вараже, сулен налме канышыш лекмекше, сад-пакчаште жапшым эртараш йӧратен. Пеш шуко емыж-саскам ончен куштен. Кызытат жимолость, япон айва, виноград, лимонник, ежевика, ежемалина, барбарис, йошкар ломбыгичке, фундук, кедр да молат чоннам куандарат.
Шӧрлык книгалан поян лийын. Книгам шергалын, ойыртемалтше кочкыш дене сийлен. Лудаш пеш йӧратен. Кажне кечын малаш вочмыж деч ончыч книгам, журналым, газетым лудын. Кеч-могай йодыш дене тудын дек миет, эре вашештен, умылтарен. Ачам моткочак ушан ыле, сандене мый тудын дене кызытат кугешнем!
