Марий Элыште Россий Почтын 5 уэмдыме да 12 чоҥымо почто отделенийлажым почмо.
Ты сомылым Россий Президент В.Путинын кӱштымыж почеш, кыл пункт-влакым илышыш шыҥдарыме проектлан келыштарен ыштат. Республикыштына 221 почто отделений пашам ышта, тушто 1700 наре еҥ тырша. Тушеч 158 почто пӧлка ял ден селалаште верланеныт. Шукыштым ачалыман. 2022-2024 ийлаште Курыкмарий, Килемар, Параньга, Морко, У Торъял, Медведево, Шернур, Советский районлаште 40 офисым чоҥымо да уэмдыме. 2024 ийыште ты пашалан 124 миллион теҥге каен. Кызыт Госуслуги порталыште могай ял ден селаласе почто отделений-влакым ачалаш кӱлмӧ шотышто онлайн-йӱклымаш кая.
Фото: Марий Элым Вуйлатышын пресс-службыжо.