23 ноябрьыште «Амедиа» киностудийыште профессионал мастарлыкым ончыктымо «Абилимпикс» VI национальный чемпионат онлайн-трансляций дене почылтын. Тушто начар тазалыкан еҥ-влак таҥасат.
Тений икымше гана ты конкурс очно-дистанционный формо дене эртаралтеш. Тушко Марий Эл гыч 26 еҥ ушнен: школышто тунемше куд еҥ, 11 студент да 9 кугурак еҥ. Нуно «школьник», «студент» да «специалист» категорийлаште мастарлыкыштым тергат.