ПӦЛЕК ШОТЕШ — ИЛЫШ

Ий еда 20 апрельыште Российыште донор-влакын кечышт палемдалтеш. «Donаre» (донор) мут латынь йылме гыч «пӧлеклаш» манын кусаралтеш. Но пӧлекше, очыни, вӱрым пуымаште веле огыл, а ончыкылык илышлан ӱшаным шочыктымаште.

Шоналташ гына: вӱрым пуышо-влакын суапыштлан кӧра тӱняште мыняр еҥ ойгыш логалме деч вара илыше кодын. Статистике почеш кажне ийын Российыште 1,5 миллион еҥлан вӱрым колтат. Тӱҥ шотышто вӱр йӱлышӧ, сусыргышо, азам нелын ыштыше-влаклан, онкологий чер дене орланыше-шамычлан кӱлеш.

Республикысе вӱрым налме станцийын клинико-диагностический лабораторийжым вуйлатыше Людмила Ивановна Фёдорова ойла:

– Мемнан дек толмо деч ончыч ямдылалтман. Жаритлыме, умшам «когартыше», чот коян да тулеч моло «уда» сийым кочман огыл. Но чылтак шужышат толмо ок кӱл. Ушым йомдарен камвозыда гын, тендам эскерен «куржталман» вет вара… Сандене эрдене шере чайым йӱман, «куштылгырак» сийым, печеньым я сырым кочман…

Людмила Ивановна дене интервьюм видеошто ончыза, а тӱрыс материалым 23 апрельыште лекше газетыште лудса