Кӱлыт: 1 баклажан, 1 кабачок, 1 кешыр, 1 шоган, 1 шере пурыс, 100 мл томат сок, 4 кугу совла ложаш, 30 мл нӧшмӱй, ик чывыштыш шинчал, тынарак сакыр, тыгыдемдыме шем пурыс.
Салмаште нӧшмӱйым ырыктыза, ондак тыгыдемдыме шоганым, вара кубик дене падыштыме кешырым, кабачокым ешарыза. Баклажаным 1 см кӱжгытан оҥго дене пӱчкедыза, ложашыште пӧрдалтарыза, салмашке пыштыза. Тышкак шере пурыс ден помидорым тыгыдын падыштен ешарыза, ӱмбакыжак томат сокым опталза. Салмам леведыш дене леведса да кокла тул ӱмбалне тушитлыза. Жапын-жапын пудыратыза. 15 минут гыч шинчалым, сакырым, шем пурысым пыштыза да эше 20 минут тушитлыза.