Марий тиште кечым тений 9 декабрьыште М.Шкетан лӱмеш Кугыжаныш драме театрыште кумдан палемдыме. А шке пайрем кечынже, 10 декбрьыште, мероприятий-влак В.Васильев лӱмеш Йылмым, литературым да историйым шанче шымлыше институтышто эртеныт. «Идалыкын книгаже» республикысе конкурсым иктешлыме почеш эн сай савыктыш семын МарНИИЯЛИ-н лукмо «История Марий Эл» книга ойыралтын. Шанче институтын директоржо Евгений Кузьмин «Лудса! Книгаште — пиал! Тушто кундемнан историйже, тиште дене кылдалтше пашаже, калыкнан поянлыкше аралалтеш» манеш.