Кугу Отечественный сарын шерге ветеранже, сарыште шке пелашыштым йомдарыше да тылыште тыршыше-влак!
Марий Эл Республикыште илыше пагалыме еҥ-влак!
Кугу Сеҥымаш кече да пайремлан 77 ий темме дене саламлем!
9 Май – элыштына священный кече, тудо калыкын икоян улмыжым, шочмо элым йӧратымыжым, чытышыжым, лӱддымылыкшым ончыкта. Эн шуко вӱрым йоктарыше сар ныл ий шуйнен да фашист войскам кырен шалатыме дене мучашлалтын.
Ты кечын ме Шочмо эл верч лӱддымын кредалше-влакым, шке эл да тудын эрыкше верч вуйым пыштыше герой-влакым пагален шарналтена, тылыште тыршыше-влаклан чытышыштлан да кыртмен пашам ыштымыштлан тауштена. Элыштына илыше влак шочмо мландым аралыме верч рӱж шогалыныт да тушманым чактарен кертыныт.
Кугу Сеҥымашым лишемдымаште Марий Эл Республикынат надырже кугу. Марий кундем гыч Кугу Ачамланде сарыште140 тӱжем наре еҥ кредалын. Нунын кокла гыч кажне кокымшо еҥже мӧҥгеш пӧртылын огыл. Республикын 40 наре шочшыжо Совет Ушем Герой лӱм дене палемдалтын. Кугу полышым фронтлан тыгак калыкат пуэн, тудо ӱшанле тыл лийын да кӱлеш сатум ямдылен шоген.
Шерге ветеран-влак, тыланда тауштем! Те кугу нелылыкым чытен лектында да самырык тукымлан тыныс элыште илаш йӧным пуэнда.
Лач тыланда кӧра ме таче ончыкылыклан планым чоҥена, кажне кечылан куанена да лӱдде ончыко ончена.
Жап эрта, 1945 ийысе сеҥымаш май шеҥгелан кодеш, но Сеҥымаш кече Российысе калыкын эн пагалыме да йӧратыме пайремже лийын да ончыкыжымат лиеш. Ты кечын кажне еҥ шке историйже дене поснак чот кугешна, фашизмым сеҥыше салтак-влакын подвигыштын акшым чотрак шижеш. Калыкын лӱддымылыкшым эше ятыр тукым шарнаш тӱҥалеш, а герой-влакын чапышт нигунам ок мондалт.
Чылалан пиалым, пеҥгыде тазалыкым, тыныслыкым да чыла сайым тыланем!
Сеҥымаш кече дене!
Марий Эл Республикым вуйлатыше
А.А.ЕВСТИФЕЕВ.