Общественный комиссийын заседанийыштыже Йошкар-Олаште илыше-влак деч пурышо темлымаш-влакым ончен лектыныт.
Тушто 2024 ийыште уэмдышаш 9 кумдыкым ойыреныт. Нуным «Формирование комфортной городской среды» федеральный проект почеш тӧрлымӧ шотышто йӱклымаш эртаралтеш. Тудо 15 апрель гыч 31 май марте шуйна. 14 ияш деч кугурак кажне еҥ 12.gorodsreda.ru сайтыште да Госуслуго порталыште йӱклен кертеш.
- Яналов уремыште кӱртньыгорно воктенысе изи сад.
- «Марий парк» кумдык.
- «Тарханово» парк.
- Семёновка селан Интернатский уремыштыже йолешке-влакын коштмо корнышт (Советский урем гыч Молодёжный уремысе 3-шо №-ан пӧрт марте).
- Ленин проспектыште (45-ше гыч 37-ше №-ан пӧрт марте) да Первомайский уремыште (164-ше гыч 178-ше №-ан пӧрт марте) йолешке-влакын коштмо корно.
- Йошкар-Олалан 400 ий темме лӱмеш паркыште спорт площадке.
- «Воин-десантник-влак» изи сад (Ленин лӱмеш тӱвыра полат ваштареш).
- Комсомольский уремыште 2а №-ан пӧрт воктенысе йоча спорт площадке.
- «Юбилейный» микрорайонышто йолешке-влакын коштмо корнышт – Петров уремыште 12б ден 16 №-ан пӧрт-влак (Йошкар-Оласе 28-ше №-ан лицей) гыч Киров уремысе 9б пӧрт марте; Петров уремысе 14а гыч 12а пӧрт да «Гнёздышко» 11-ше №-ан йочасад марте.