9 июньышто эрдене лупс чот возын – ояр кечылан.
10 июньышто йӱр шолдыра чӱчалтыш дене тӱҥалеш гын, тудо вашке чарнышаш.
11 июньышто умыр игечыште кече чот пелта – кӱдырчан але шолеман йӱрлан, пылан кечын але йӱр деч вара кече пелта – кас велеш йӱр лийшаш.
12 июньышто кӱртньышудо (папоротник) эр годсек лышташым пӱтыра гын, кечан шокшо игечылан.
13 июньышто пормо чотрак пураш тӱҥалеш – вашке йӱр толшаш.
14 июньышто эр годсек кече шапалгын коеш гын, кас велеш йӱр лийшаш.
15 июньышто кастене кече пылыш шинчеш гын – игече вашталтеш.