Кӧ эн сайже?

«Идалыкын туныктышыжо», «Идалыкын воспитательже», «Марий йылмым эн сайын туныктышо – 2020» конкурсын иктешлыше этапше ты кечылаште Йошкар-Олаште эрта.

Ондак профессионал мастарлыкым ий еда майыште ончыктеныт гын, ты гана пандемийлан кӧра конкурс шыжыш кусаралтын. Чылаже Республикын тӱрлӧ кундемже гыч шке вийжым 34 еҥ терга:
13 туныктышо, 13 воспитатель да марий йылмым туныктышо 7 еҥ.