Йочам ешыш ончаш налше, опекун, попечитель ден приёмный ача-ава-влаклан единовременный выплате пуалтеш. Марий Элысе Социальный фонд отделений тыгай 85 ешлан кызыт оксам колтен.
Тиде чумыр суммо 2 млн 700 теҥгеш шуын. Тений февраль гыч тудын кугытшо – 24 604,30 теҥге. Тыгай выплате йочам ешыш налме годым ик гана пуалтеш. А 7 ияш деч кугырак инвалид йочам, тыгак тудын шочмо ака-шӱжар ден иза-шольыжым налме годым выплатын кугытшо кажне йочалан 187 996,90 теҥгешке шуэш.