Ава, кова, шӱжар, ака-влакым шке кид дене ыштыме открытке дене куадараш лиеш. Тидлан 22,5х30 сантиметран пеҥгыде ош картон, вичкыж чиян кагаз, флористический ленте, синельный проволоко, клей-пистолет, кристалл але стразе-влак, линейка, вичкыж ленте, вашкӱзӧ.
Пеҥгыде ош картоным пеле гыч ыштыза. Флористический лентым полоско семын (корнын-корнын) икте-весыж деч иктӧр кужыт гыч пижыктыза. Пеледышым ышташ вичкыж чиян кагаз гыч 10х10 квадрат-влакым ямдылыза. Изирак пеледышлан – изирак квадрат лийшаш. Ик пеледышлан 5-6 квадрат кӱлеш. Ямде квадрат-влакым ӱмбала оптыза да гармонь семын тодылза, лопкытшо 1 сантиметр лийшаш. Тудым синельный проволко дене пӱтыралза. Сайынрак кучыжо манын, клей-пистолет дене пеҥгыдемдыза. Пеледышын формыжо сӧралрак койжо манын, кагаз лукым пӱчса. А вужгарак лийже манын, кагаз тӱрыштӧ йолвам келыштарыза. Вара ӱмбала оптымо кагазым шарыза – тыге кугу мотор пеледыш лектеш. Пеледыш покшеке кристаллым клетлыза да открытке покшеке клей-пистолет дене пижыктыза. Пеледыш вургым проволок гыч келыштарыза. Кына тӱсан ленте гыч бантым ыштыза да пеледыш аршашым сӧрастарыза. Открыткым тыгак иктаж семын подписатлаш келшен толеш. Лишыл еҥ-влакым тыгай открытке дене куандарыза!