Кораксола ялыштына калык пеш поро. Кажне пайремым рӱж пайремла. 23 февральлан пеш шуко калык погынен ыле, 8 Март кечынат пайрем пеш оҥайын эртыш. Мемнан ялысе чыла ӱдырамаш-влак ик верыш погыненыт.
Пайремым «Муро кумыл» ансамбль почо. Мый чыла ӱдырамаш-влак лӱмеш ик почеламутым йоҥгалтарышым. Почеламутым нылытын ойленна. Вара тӱрлӧ таҥасымаш эртен. Пайремын спонсоржо Василий Егорович Коряков лийын. Чылалан пӧлеклан шоколадым пуэныт. Вара шашлыкым кочмо. Тыгай сай пайрем чыланнан ушеш кодеш.
Надежда Сергеева.
Морко район Шӱргыял школ.
