Пошкырт кундем Калтаса районысо Кӧкыш ялын эргыже, 1975 ий гыч Йошкар-Олаште илыше
Григорий Петрович ПАШУТКИНЫМ
75 ияш чапле лӱмгечыж дене.
Кок эрган ача, кок уныкан коча жапше годым Пошкырт кугыжаныш пединститутын физматшым тунем лектын да, 66 ийым темымешкыже, Йошкар-Оласе тӱрлӧ проектный организацийлаште инженер-проектировщиклан, электрик-проектировщик-влак группын вуйлатышыштлан, тӱҥ инженерлан пашам ыштен. «Пашан ветеранже» лӱмым сулышо Г.Пашуткин тыгак спортым йӧрата, гармонь дене шокталта, мураш да кушташат мастар.
Тудлан пеҥгыде тазалыкым, вий-куатым, чон ласкалыкым, рыскалым тыланена.
Эрвелмарий-влакын «Ош виче» землячествышт да «Кугарня» газет коллектив.