2 июльышто Россий Правительстве Председательын алмаштышыже Д.Чернышенкон вуйлатымыж почеш 2024 ийысе кеҥеж каныш да тазалыкым пеҥгыдемдымаш шотышто совещаний эртаралтын. Тушко участник-влак видеоконференцсвязь йӧн дене ушненыт.
Марий Элыште йоча-влакым кандарыше да тазалыкым пеҥгыдемдыше реестрыш 205 организаций пурталтын.
Кызыт ола воктенысе 15 стационарный ден кок палаточный лагерь-влак пашам ыштат. Тушто 2900 йоча кана. Ты кечылаште ола воктенысе 5 стационарный лагерь шке пашажым тӱҥалеш.
Чыла школ лагерь-влак мучашлалтыныт. Тушто 12 тӱжем наре икшыве канен. Тылеч посна июньышто 26 тӱжем утла йоча ден подросткылан кудывечылаште площадке-влак пашам ыштеныт, тыгак икшыве-влак школ лесничествылашке, походлашке, экспедицийлашке коштыныт, акцийлашке ушненыт.
Неле илыш ситуацийыш логалше йоча ден специальный военный операцийын участникше-влакын шочшыштлан поснак кугу тӱткыш ойыралтеш. Нине категорийласе 4700 утла икшывылан лагерьлашке путёвкым кучыктымо.
Тыгак кеҥежым республикыштына Запорожский областьысе Куйбышевский район гыч 45 йоча канышаш. Нуным «Журавушка» социально-реабилитационный рӱдерыш да «Авангард» военно-патриотический воспитаний рӱдерыш вераҥдат.
Тений йоча, подростко да тунемше молодёжь кокла гыч кеҥежымсе каныш ден тазалыкым пеҥгыдемдымаш дене 65 тӱжем наре еҥым авалтыме.
Кызыт ола воктенысе 15 стационарный ден кок палаточный лагерь-влак пашам ыштат. Тушто 2900 йоча кана. Ты кечылаште ола воктенысе 5 стационарный лагерь шке пашажым тӱҥалеш.
Чыла школ лагерь-влак мучашлалтыныт. Тушто 12 тӱжем наре икшыве канен. Тылеч посна июньышто 26 тӱжем утла йоча ден подросткылан кудывечылаште площадке-влак пашам ыштеныт, тыгак икшыве-влак школ лесничествылашке, походлашке, экспедицийлашке коштыныт, акцийлашке ушненыт.
Неле илыш ситуацийыш логалше йоча ден специальный военный операцийын участникше-влакын шочшыштлан поснак кугу тӱткыш ойыралтеш. Нине категорийласе 4700 утла икшывылан лагерьлашке путёвкым кучыктымо.
Тыгак кеҥежым республикыштына Запорожский областьысе Куйбышевский район гыч 45 йоча канышаш. Нуным «Журавушка» социально-реабилитационный рӱдерыш да «Авангард» военно-патриотический воспитаний рӱдерыш вераҥдат.
Тений йоча, подростко да тунемше молодёжь кокла гыч кеҥежымсе каныш ден тазалыкым пеҥгыдемдымаш дене 65 тӱжем наре еҥым авалтыме.
Д.Речкин/ Марий Элым Вуйлатышын пресс-службыжо.