1-10 декабрьыште Марий Элыште Инвалид-влакын декадышт эртаралтеш.
Марий Элыште 63 тӱжем наре инвалид уло, тышеч 2751 – йоча. Ятырынже шкем тӱрлӧ вере чолган ончыктат, нелылыкым ончыде, илышын чыла йыжыҥжым эрташ тыршат. Каласен моштыдымо кӧргӧ виян, талантан еҥ-влак дене кугешныде огеш лий.
Пенсий фонд инвалид-шамычлан кум тӱрлӧ пенсийым тӱла. Страховой пенсийым кызыт 10,5 тӱжем еҥ налеш, а инвалидность шотышто социальный пенсийым Марий Элыште илыше 10 тӱжем еҥлан тӱлат. Кугыжаныш пенсийым республикыштына 283 инвалидлан пуат.
Тыгодымак пенсийым налше, но пашадыме еҥ-влаклан регионысо илен лекташ кӱлмӧ эн изи кугыт деч шагал огыл оксам ойырат. 2021 ийыште тудын кугытшо 8719 теҥге лийын.
Кодшо ий годсек Пенсий фонд инвалид-шамычлан йодмаш деч посна кажне тылзын пенсийым колта. Тидыже Инвалид-влакын федеральный реестрышт гыч инвалидность шотышто увер пурымо деч вара 10 кечыште шукталтеш. Тыгодым ты еҥлан Госуслуго порталыште, электро почто але СМС дене уведомлений толеш.
Ава капиталын сертификатше улмо годым ты оксам инвалид йочалан кучылташ лиеш.
Фотошто: инвалид-влак ГТО-м сдатлыме годым.