63 просветитель ушнен

«Знание. Премия» тӱҥ просветительский наградым налшаш верч Российысе 89 регион гыч да 56 йотэл гыч 15 700 еҥ деч йодмаш пурен.

Марий Эл гыч 63 просветитель наградылан йодмашым колтен. «За просветительскую деятельность в университете» номинацийыште ПГТУ-што менеджмент да бизнес кафедрын доцентше Наталья Судакова участвоватла.

2019 ийыште тӱҥалме «ПУФ» проектше интеллектуал модыш клубыш савырнен. Тушто самырык тукымым шкем шуараш, шинчымашым погаш туныктат да шанче пашалан кумылаҥдат. Клуб ятыр турнирым, квизым эртара. 2023-2024 ийлаште клубын 30 заседанийже лийын, 5 интеллектуал модышым эртарыме, кажнышкыже 70 утла участник ушнен.