Республикыште ӱмашсе дене таҥастарымаште сыр ден торыкым 6 процентлан шукырак ыштат. Мутлан, тений январь ден февральыште верысе предприятий-влак 1,1 тӱжем тонн сырым, сыр продуктым да торыкым ыштен луктыныт, увертара Марий Эл Вуйлатышын пресс-службыжо.
Тений шӧрым перерабатыватлыше предприятий-влак шӧр продукцийым шукырак ышташ шонат. Тидлан производственный куатым кумдаҥдыме да перерабатыватлыше предприятий-влакым уэмдыме шотышто паша шукталтеш.
Тыгак республикысе агропромышленный комплексат ончыко кая. Тидын нерген Юрий Зайцев шке ТГ-каналыштыже каласкален:
Кайык шылым ыштен лукмаш – ПФО-што 2-шо вер, Российыште 8-ше;
Пакча саска лектыш – ПФО-што 1-ше вер, Российыште 5-ше;
Шӧр лӱштыш – 9 тонн утла (Российыште 16-шо вер).
freepik сайт гыч налме.