Сутка жапыште Марий Элысе инфекций стационар гыч 6 пациентым луктыныт, 7-ым — госпитализироватленыт.
7 июньлан Волжск оласе рӱдӧ эмлымверыште 14 еҥ пневмоний деч эмлалтын. Коронавирус чер дене эмлалтше уке. Неле состоянийыште — 4 еҥ. Кислород дене 4 еҥ шӱла.
Марий Турек рӱдӧ эмлымверыште 8 пациент эмлалтеш. Кыдалаш нелытыште 8 еҥ улеш. Кум еҥлан кислород дене шӱлыман.
Козьмодемьянск больницыште пневмоний дене 6 еҥ йӧслана. Ик пациентын ковид инфекцийым пеҥгыдемдыме. Неле состоянийыште — 2 еҥ, кислород дене шӱлышӧ 2 пациент уло.
Медведево рӱдӧ эмлымверыште 20 еҥ пневмоний деч эмлалтеш. 6 еҥ COVID дене черле, 6 пациент кислород дене шӱла. Ик черле неле состоянийыште улеш.
Таче кечылан республикыштына 417447 еҥ коронавирус инфекций деч прививкым ыштен, нунын кокла гыч 399873 еҥ тичмаш вакцине курсым эртен.