КУГАРНЯ газетын икымше лаштыкыштыже «Финн-угор студенчествын миссше» конкурсыш кайыше Мария Панковам ужына. А тудын нерген 4-ше лаштыкыште лудаш темлена. Туштак Молодёжный парламент нерген ойлалтеш.
«Патырлык, чап да вий» лаштык Параньга посёлкышто «Тимер» спортклубым чумырышо СВО-н участникше Ислам Шагиев нерген каласкала.
“Саман” лаштыкыште наркотик ваштареш кучедалме темым тарватыме. Лач тыгай форум кодшо арняште республикыштына нылымше гана эртаралтын. Тиде статьяште ты аяр лӱдыкшым шочыкта манын йочасад гычак ойлаш тӱҥалме нерген увертарыме.
“Илыш йогын” лаштыкыштат пӱсӧ йодышым — тамакым шупшмашым — лончылымо.
“Тӱрлӧ тӱсан Марий кундемна” лаштыкын унаже — кызыт МарГУ-што медицине факультетыште тунемше Маниш Ландаге. Корреспондент Дарья Быкован возымо материалыштыже Индийыште шочшо рвезын шонымашыжым пален налыда.
Газетыштына Марий КВН-лан ик лаштыкым ойыренна. Тыгай мероприятийлан кӧра участник-влак марий йылмым лывыртат, икте-весылан эҥерташ тунемыт.
Вес страницыште Шернур посёлкысо икымше номеран школын самырык туныктышыжо Екатерина Иванова дене палдарена.
«Сылнымут алан» лаштык поэзий тӱняшке толшо Надежда Степанова дене палымым ышта «Ик оҥайым каласем» лаштык воштылаш таратыше историй-влакым темла. Тыгак ончычсо семынак Арнян вӱршерже, Каныш пусак лаштыклаште ятыр увер ден факт-влак улыт. Лудса марий газетым! Кугарня газет кажне кугарнян толжо манын, почтыш каен, подпискым ыштыза.