Марий Эл Республикысе Образований да науко министерствыште Марий Элым Вуйлатышын стипендийжым пуымо шотышто заседаний эртен.
Чылаже 59 стипендий: кокла профессиональный шинчымашым налше 28 тунемшылан, вузлаште бакалавриат, специалитет да магистратур программыла дене тунемше 22 студентлан да аспирантурышто улшо 9 аспирантлан – ойыралтеш.
Стипендийым налшаш верч чылаже 94 йодмаш пурен. Эн шуко баллым погышо-влакым сеҥыше радамыш луктыт.
Сентябрь гыч оксам пуат. Ссузлаште тунемшылан – 1600 теҥгем, вузлаште тунемшылан – 2400 теҥгем, аспирантурышто тунемшылан – 3000 теҥгем.
