Специальный военный операций кайыме кундемлашке да элнан у регионлашкыже (чылаже 7 регионыш) илыше-шамычлан Марий Эл гыч 54-ше гана гуманитарный полышым колтымо.
Поро кумылан еҥ-влаклан кӧра ныл кугу машина да ик грузовой прицеп тӱрлӧ сату погынен. Землякна-влаклан 10 мотоциклым, 1 квадроциклым, 8 машинам, тушманын дронжо деч аралалташ лийше 4 пычалым, электронный оборудованийым, пиломатериалым, блиндаж-влакым чоҥаш тӱрлӧ арверым, генераторым, медикаментым, автомашиналан шапаш ужаш-влакым да молымат чумырымо. Тыгак госпитальлашке ятыр сатум колтымо.
Кундемна деч СВО-ш 54-ше гана полышым колтымашке Марий Элысе Правительстве, район-влак, предприятий-шамыч, волонтёр, мер, тӱшка ушемла да кундемыштына илыше кажне кумылан еҥ ушнен.