«Демографий» национальный проект почеш Марий Элысе ешлаште кумшо йоча шочмылан 5179 ешыште 5433 йочалан выплатым тӱлымӧ.
Тидыже 341,6 млн теҥгешке шуын. 2023 ийыште кажне тылзын тӱлымӧ выплатым 2022 ий 31 декабрь марте шочшо кумшо але тылеч вара шочшо икшывылан налаш лиеш. Тудым калыклан социальный полышым пуышо рӱдер йочан кум ийым темымыж марте тӱла. Но чыла ешлан огыл: пашам ыштен кертше еҥын кокла доходшо илен лекташ ситыше минимумын кок кугытшо деч шагалрак лийшаш. Марий Элыште тиде показатель – 27578 теҥге.