26 июньышто Йошкар-Олаште М.В. Ломоносов лӱмеш лицейыште олимпиадыште сеҥыше йоча-влакым торжественно саламлат.
2022-2023 тунемме ийыште Марий Эл гыч 7-11-ше класслаште 894 тунемше олимпиадыш ушнен, тышеч 51 йочаже сеҥышыш лектын.
Кундемна гыч 21 еҥан команде олимпиадын заключительный этапыштыже 20 предмет дене уш-акылым терген, куд еҥ призёр радамыш логалын.
Интеллектуальный олимпиадын Юл федеральный кундемысе этапыштыже Марий Эл гыч 190 тунемше лийын, тыгак вич направлений дене 15 еҥан команде шинчымашыжым ончыктен.